Las nostas manifestacions annaus entà sortir de casa

Sent Jòrli : Vueitalibes, Vueitacasaus

L’Aclet que perpausa aqueth vueitasolèr tematic a la fin d’abriu.
Professionaus e particulars que pòden tiéner taulèrs : ventas, escambis de plants et de boturas e desbaratat de libes sus la plaça de la bastida.

Hèsta de la Musica – Lo 21 de junh

Los joens que son a la concepcion e a l’organizacion d’aquesta hèsta qui hè pujar musicians amators e semi-professionaus sus l’empont.

Empont obèrt, ràdiocròc, concèrts : de que har víver la plaça de Gèuna !

Qu’aimatz cantar o jogar ? Que podètz viéner testar la sonorizacion professionau !
Qu’as entre 10 e 18 ans e que vòs ajudar a l’organizacion ? Envia nos un corric !

Turs’en Mob

Ua brocanta dab duas arròdas ! Turs’en Mob qu’ei un eveniment qu’organiza l’ACLET en collaboracion dab «  Action défi éducatif motorisé (Adem40) ».
Mantuas accions que son perpausadas : un vueitasolèr tematic bicicleta-mòto-petahum, un talhèr de reparacion, une passejada dab estanquets gastronomics e un concèrt.

Vueitasolèr d’auton

Lo tresau e darrèr vueitasolèr Aclet de l’an que cambia la bastida en un granàs vueitasolèr. Qu’aucupa las plaças centraus de la villa tau plaser deus brocantèrs

Teatre en ivèrn

En heurèr, que’vs perpausa l’ACLET ua serada teatrau. En 2019, un conde en franchimand, seguit d’ua pèça en gascon d’Hubert Lux, jogada per lo grop de teatre deu Larèr Rurau de Lenveja.